Lost-soul-num703 - بلال

العالم مكنش بينهار انا عقلي كان بينهار وكنت بدور علي ملاذ او ملجأ اقدر من خلاله اهدي بس مكنتش متخيل انه هيبقي عبارة عن مُخدر بيخليني كويس فترة وبيضغطني علشان مينفعش افضل فيه طول الوقت

فاكر اخر مرة حكيت عن مشاعري والي حاسه اتقابلت بالسخرية والضحك علي كلامي حتي لو كان بأي دافع وتحت اي ظرف فا هو في الاول والاخر كان سخرية.. من قريب كنت اتسألت لية معرفتش اجاوب لية بيحصل دا لية بتفكر كدة كل دا بسبب ايه معرفتش اجاوب ودا فكرني بمشكلتي الاولي والاخيرة انا ممكن مفكرش في حاجة بس تفضل جوايا علي هيئة رد فعل او تلعثم او اي حاجة جسمي يقدر يحولها لطريقة يخرج بيها الاذي دا، للأسف عقلي مبقاش بيتعامل مع المشاكل بشكل ما او بأخر وجسمي مش هيعرف يخرجها في وقت قريب فا بتفضل عايشة معايا علي هيئة حجات كتيرة بتحصل لفترة طويلة ..

أُحاولُ إخمادَ تلكَ الصافراتِ، ولكنني كنتُ كمن حاول أن يُخمِدَ حريقًا بغطاءٍ، فاحترق الغطاءُ وازدادت النارُ حوله.